>>>>> رســـــــائل قصــــيرة (28/04/2008)

أرسلها لكل من :

** الاتحاد الدولي : التراخيص الجديدة لمشاركات الأندية قاريا ودوليا والتي ستدخل حيز التنفيذ قريبا (خالفها) نادي الزمالك في دوري رابطة الأبطال الأفريقي فهو حاليا (شغال) في الدور ال 16 بينما غير مسموح له بتجاوز دور الـ32 منذ أربعة أعوام . ------------------------------------------------------------------------ ** النادي الأهلي : تقابلون (بلاتينيوم) ستارز في (بريتوريا) و فى جو (بارد) يعنى 3 (باء) وترتيبه ثالث الدوري حاليا وإحنا عندنا 3 مصابين ... يعنى (مافيش) حجة !! عاوزينها ثلاثية. ------------------------------------------------------------------------ ** مانويل جوزيه : نلت عقوبة إيقاف مباراتين وغرامة 20.000 جنيه ... أنت فاكرنا أيه مابنعرفش (برتغالى) ، مجدى عبد الغنى بيتكلم (هولندى) كويس .. وحكي (للجنة) كل اللي حصل !! ------------------------------------------------------------------------ ** لجنة المسابقات : وقعتوا أطرف وأظرف عقوبة في تاريخ الدوري المصري على (جمهور) المصرية للاتصالات !! ياسيادنا دول مش (جمهور) الاتصالات دول كانوا رايحين (يسددوا) فواتير شهر أبريل . ------------------------------------------------------------------------ ** النادي الأهلي : إصابات خطيرة بالجملة في صفوف الفريق ... (فكوا الكيس) شوية وأدبحوا لكم كام (عجل) لتفادى سوء الطالع ...على فكرة فيه جزار مشهور قوى في (كرداسة) و... (مهاود) ... ------------------------------------------------------------------------ ** كرول : قلت أنك تحتاج خمسة لاعبين فقط لتدعيم صفوف فريقك للموسم القادم ، تم التعاقد مع 4 بالفعل وتفاوض إدارة الزمالك 11 آخرين ، نقى وأختار يا (عبد الستار) ممدوح عباس ده .. (جبااار). ------------------------------------------------------------------------ ** الصحافة المصرية : الأهلي يلعب في أفريقيا في (عـــز) البرد والزمالك يلعب في القاهرة في (عــــز) الحر ... أنتو يتقولوا (عــــز) ... يبقى أكيد أنتوا اللي رفعتوا أسعار الحديد في مصر ... !! ------------------------------------------------------------------------ ** حسنى عبد ربه : صرحت سابقا وقلت ... "لن ألعب لغير الاسماعيلى في مصر" ، وطبعا فاكرهابمزاجك ؟ لا ياكابتن ... زيك زى أخواتك ... أمال وفد طرابزون التركي بيعمل إيه فى الإسماعيلية ؟؟؟ ------------------------------------------------------------------------ ** عماد متعب : تجربتك السابقة مع (ساترن) الروسى تنذر بفشل احترافك بأوروبا ... لو لديك الإصرار على تكرار التجربة لو ترجو لتجربتك الجديدةالنجاح أصطحب معك أخيك (أوسة) خده معاك ... (انشالله تكسب) . ------------------------------------------------------------------------ ** اللائحة الجديدة : قرأتك مرارا ولم أجد بك أى بنود تخص الجمهور أو المشجعين ... (غريبة) امال الاعتراضات دى كلها جاية منين ...؟؟ ... الاجابة : - من المتطوعين (للتشجيع) ... !!!