أرسلها لكل من : |
• ممدوح عباس : كان (ذكاء) انتخابيا منك أن تتعامل مع انتخابات نادى الزمالك بمنطق " اللى يحضر العفريت .. عليه صرفه" أتفضل بقى (أصرف) ... !!! • النادى الأهلى : عبد ربه عبد ربه .. هو ده اللى قلبى حبه .. بس ياخساااارة .. لو كنت خدت (الوصل) !!! • أعضاء نادى الزمالك : لا تجعلوا شعاركم الانتخابى : "لاعمدة نافع ولا شيخ بلد نافع ولا شيخ غفر نافع " ... بل أجعلوه : " لسة الأغانى ممكنة " ... • حسن شحاتة : هجوم (على طول) والمنتخب أيضا يفوز تحت قيادتك (على طول) ... أحزن جدا ... لو مر يوم من غير ماحد (يهاجمك) فيه !!! • سمير زاهر: الظاهر إن (سندوشتات) الحلاوة بالقشطة ماجبتش نتيجة مع جمهور الأهلى الغضبان ... عليك من الماتش الجاى بقى توفر لهم (الكلة) ...!!! • حسام البدرى : تصريحك بأن أبو تريكة لايشكو من آلام بالركبة عجبنى جدا ... لكن (أيش) عرفك ياكابتن ... هى كانت ركبتك ؟؟؟ • عمرو زكى : لازم تسمع كلام مدير أعمالك و (تقامر) على كل شيء حتى تخسر كل شيء ...بينما هو لن يخسر أي شيء!!! • جونيور أجوجو : يا راااجل بقى ده كلام ؟ ؟ بس ما (نابنا) منك إلا (الخضة) !! • محمد ابو تريكة : سلامتك يانجم مصر ، ... يا (أجمل اعتذار) من كرة القدم المصرية عن (سوء أحوال) كرة القدم المصرية..!!! |